Fotbolti.net
10.04.19 - 17:00
Arnar Daði Arnarsson

Giacomo Ratto í Vestra (Staðfest)

Vestri hefur styrkt sig fyrir sumarið.

Vestri hefur styrkt sig fyrir sumarið.

Canon

Mynd: Vestri

2. deildarlið Vestra hefur fengið markmann til sín fyrir sumarið.

Um er að ræða hinn 32 ára Ítala, Giacomo Ratto sem kemur til Vestra frá liði Victoria Wanderers í Möltu.
Giacomo Ratto á langan feril að baki um nánast alla heim og hefur mikla reynslu. Á ferli sínum hefur hann leikið til að mynda í Sviss, Panama, Nicaragua, Mongolíu og Fiji.

Þetta er ekki í fyrsta sinn sem íslensk félög sýna Ratto áhuga. Samkvæmt heimildum Fótbolta.net hafa félög bæði í Inkasso og 2. deild áður reynt að fá markvörðinn til sín en án árangurs.

Hann vann til bronsverðlauna sem aðalmarkvörður í bikarkeppninni í Mongolíu og var að spila í efstu deild í Möltu.

Vestri var hársbreidd frá því að vinna sig upp í Inkasso-deildina á síðasta tímabili.

Fyrsti leikur Vestra í 2. deildinni í sumar er gegn Selfossi laugardaginn 4. maí en liðið mætir Víði Garði í fyrstu umferð Mjólkurbikarsins næstkomandi laugardag.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.