'Ég sá fyrir mér að við fengjum vonandi fleiri svona stöður'
'Þetta er bara partur af fótbolta'
'Ég treysti á Villa, að hann hafi tekið rétta ákvörðun þar'
„Sterkt stig á erfiðum útivelli. Mér fannst við heilt yfir mjög flottir í dag," segir Ólafur Ingi Skúlason, þjálfari Breiðabliks, eftir jafntefli gegn Víkingi í 1. umferð Bestu deildarinnar.
Ólafur Ingi stillti upp þremur miðvörðum í leiknum í dag því hann vildi mæta Víkingi í sínu sóknaruppleggi sem er að fara með fimm menn hátt upp á völlinn.
„Við vildum geta verið svolítið agressífir með vængmennina okkar og ýtt þeim meira miðsvæðis, sett Víkingana undir pressu og reynt að koma í veg fyrir að þeir gætu læst okkur niðri. Mér fannst það ganga fullkomlega upp í fyrri hálfleik. Varnarlega vorum við flottir í dag en það vantaði töluvert upp á sóknarlega."
Viðtalið í heild má sjá í sjónvarpinu efst
Ólafur Ingi stillti upp þremur miðvörðum í leiknum í dag því hann vildi mæta Víkingi í sínu sóknaruppleggi sem er að fara með fimm menn hátt upp á völlinn.
„Við vildum geta verið svolítið agressífir með vængmennina okkar og ýtt þeim meira miðsvæðis, sett Víkingana undir pressu og reynt að koma í veg fyrir að þeir gætu læst okkur niðri. Mér fannst það ganga fullkomlega upp í fyrri hálfleik. Varnarlega vorum við flottir í dag en það vantaði töluvert upp á sóknarlega."
Viðtalið í heild má sjá í sjónvarpinu efst
Lestu um leikinn: Víkingur R. 1 - 1 Breiðablik
Víkingar voru talsvert meira með boltann en Breiðablik leiddi lengi vel eftir að hafa skorað á fjórðu mínútu úr hraðri sókn.
„Ég hefði viljað sjá okkur nýta augnablikin þegar við unnum boltann; að annað hvort velja aðeins betur og fara í skyndisóknina eða halda betur í boltann og byggja upp. Við vorum svolítið fljótir í fyrri hálfleik að fara í löngu boltana. Það var mikil barátta og bæði lið að þreifa á leiknum."
„Ég er ánægður með markið, flott að fá mark frekar snemma. Ég sá fyrir mér að við fengjum vonandi fleiri svona stöður. Það voru stöður sem við hefðum getað nýtt okkur betur og gert betur. Það er vinna framundan."
Anton Ari Einarsson átti góðan leik í marki Breiðabliks fyrir utan risastór mistök í seinni hálfleik sem kostuðu mark.
„Þetta er bara partur af fótbolta, kemur fyrir. Við erum saman í þessu, það er ekkert við þessu að gera en að halda áfram."
Ólafur var spurður út í stórt atvik í lok leiks þegar Víkingur vildi víti. Voru Blikar heppnir?
„Ég veit það ekki. Þetta er oft grátt svæði með þessa blessuðu vítadóma með hendur og annað. Ég treysti á Villa, að hann hafi tekið rétta ákvörðun þar."
