Fotbolti.net
10.04.26 - 09:00
Elvar Geir Magnússon

Slot segist finna stuðning eigenda og stuðningsmanna

Arne Slot, stjóri Liverpool.

Arne Slot, stjóri Liverpool.

Canon

Mynd: EPA

„Ég er mikið að endurtaka mig en ég finn mikinn stuðning. Ekki bara frá eigendunum heldur líka frá Richard Hughes og Michael Edwards (yfirmönnum fótboltamála) og eins furðulega og það gæti hljómað finn ég líka stuðning frá stuðningsmönnum," segir Arne Slot, stjóri Liverpool.

Pressan á Slot jókst enn frekar í vikunni þegar liðið tapaði 2-0 í fyrri leiknum gegn Paris Saint-Germain, eftir að hafa fengið skell gegn Manchester City í bikarnum síðasta laugardag. Liverpool fær Fulham í heimsókn í ensku úrvalsdeildinni á morgun en þar er liðið í harðri baráttu um Meistaradeildarsæti.

„Þegar við fórum út á völlinn í upphitun í París voru stuðningsmennirnir að syngja 'Við elskum Liverpool'. Það er sanngjarnt að segja að við höfum verið yfirspilaðir allan leikinn og þeir voru enn að syngja og klappa fyrir okkur. Félagið veit á hvaða stað við erum og ég finn stuðning."
England um helgina - Fallbaráttuslagur í London
TENGT EFNI

England um helgina - Fallbaráttuslagur í London

Slot sat fyrir svörum á fréttamannafundi núna í morgunsárið en hann greindi meðal annars frá því að brasilíski markvörðurinn Alisson yrði ekki klár í slaginn fyrir morgundaginn. Þá er óvissa vegna leikjaálags um Jeremie Frimpong og Joe Gomez sem voru að stíga upp úr meiðslum og ekki víst að þeir séu klárir í að spila svona stuttu eftir leikinn í París.
Alisson verður ekki með á morgun.

Alisson verður ekki með á morgun.

Canon

Mynd: EPA

Premier league - karlar

#LiðLmunStig
1Arsenal10+1027
2Brighton10+1922
3Man City10+821
4Liverpool10+418
5Chelsea10+316
6Everton10+216
7Bournemouth10+215
8Brentford10+514
9Leeds10+214
10Aston Villa10-313
11Tottenham10-112
12Newcastle10-312
13Hull City10011
14Ipswich Town10-511
15Fulham10-210
16Nott. Forest10-49
17Coventry10-99
18Man Utd10-58
19Sunderland10-98
20Crystal Palace10-147
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.