Fotbolti.net
10.05.19 - 18:01
Ívan Guðjón Baldursson

David Luiz framlengir til 2021 (Staðfest)

David Luiz framlengir til 2021 (Staðfest)
Canon

Mynd: Getty Images

Brasilíski varnarmaðurinn David Luiz er búinn að framlengja samning sinn við Chelsea um tvö ár, eða til sumarsins 2021.
Samningur Luiz hefði runnið út í sumar og bjuggust margir við því að hann myndi annað hvort framlengja um eitt ár eða yfirgefa félagið, enda nýorðinn 32 ára gamall.

Luiz hefur verið mikilvægur hlekkur í liði Chelsea á tímabilinu og hefur Maurizio Sarri miklar mætur á honum. Hann er búinn að spila 48 leiki á tímabilinu og 246 í heildina.

„Ég er mjög ánægður með lífið hérna og er þakklátur fyrir nýjan samning. Ég elska þetta félag og er ennþá með sama metnað og þegar ég var ungur," sagði Luiz þegar hann skrifaði undir.

„Það þýðir mikið fyrir mig að komast í úrslitaleik í Evrópukeppni og að eiga ennþá möguleika á að enda í topp þremur. Ég mun halda áfram að gera mitt besta fyrir liðið."



Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.