„Svekkjandi að ná ekki að halda út,'' segir Brynjar Björn Gunnarsson, þjálfari Grindavíkur, eftir 1-1 jafntefli gegn ÍR eftir að hafa fengið jöfnunar mark á sig í lok leiksins í annarri umferð Lengjudeildarinnar.
Lestu um leikinn: Grindavík 1 - 1 ÍR
„Það lá aðeins á okkur í lokinn í löngum köflum í seinni hálfleik og náðum ekki alveg að halda alveg í boltann ofar á vellinum og varð okkur erfitt. Engu að síður þá fannst mér ÍR ekki skapa neitt mikið af færum,''
ÍR fékk víti í lok lokamínútur leiksins.
„Ég gat ekki séð það frá mínu sjónarhorni. Það hljómaði eins og þetta fari í belginn á einhverjum. Ómögulegt að segja hversu mikið víti eða hvort það hafi verið víti eða klárt víti,''
Grindavík var að spila sinn fyrsta leik í Safamýrinni, þeirra tímabundni heimavöllur.
„Umgjörðin er góð og ágætis mæting á völlinn. Völlurinn er þokkalegur í dag, búið að rigna aðeins og blautur, það bauð upp á ágætis fótbolta. Ég vildi að við hefðum getað gert aðeins betur með þær aðstæður,''
Hægt er að horfa á viðtalið í heild sinni hér fyrir ofan.