Fotbolti.net
10.06.17 - 09:58
Guðmundur Aðalsteinn Ásgeirsson
Ítalska deildin

Ricardo Rodriguez í AC Milan (Staðfest)

Farinn til Mílanó.

Farinn til Mílanó.

Canon

Mynd: Getty Images

AC Milan heldur áfram að styrkja sig. Þetta forna stórveldi hefur nú keypt bakvörðinn Ricardo Rodriguez frá Wolfsburg.

Hinn 24 ára gamli Rodriguez, sem á ófáa landsleiki með Sviss, hefur krotað undir fjögurra ára samning við Milan.
Hann er þriðji leikmaðurinn sem Milan fær til sín í sumar, en áður höfðu Mateo Musacchio og Franck Kessie skrifað undir.

Kessie kom til liðsins frá Atalanta og Mussachio, sem er argentískur miðvörður, kom frá Villareal á Spáni.

Kínverskir eigendur tóku á dögunum við eignarhaldi hjá AC Milan og nú á sér stað umbreyting á leikmannahópnum. Kínversku eigendurnir ætla að gera Milan aftur sigursælt!

Talið er að félagið ætli að bæta við sig sóknarmanni á næstu dögum. Diego Costa hefur verið bendlaður við liðið og sömu sögu er að segja af Andrea Belotti, leikmanni Torino.

#ACMilan comunica di aver acquisito le prestazioni sportive di Ricardo Rodriguez, contratto fino al 30 giugno 2021#welcomeRodriguez pic.twitter.com/oWuQK2Ig1k

— AC Milan (@acmilan) June 8, 2017

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.