Grótta tapaði fyrir Kórdrengjum í Breiðholtinu í kvöld þar sem Kórdrengir skoraði sigurmarkið í uppbótartíma. Enn og aftur ganga Gróttumenn svekktir frá borði en í tveimur leikjum þar á undan misstu þeir væna forystu niður í jafntefli.

Lestu um leikinn: Kórdrengir 2 -  1 Grótta

„Þetta eru þrír leikir í röð sem eru þvílík vonbrigði fyrir okkur. Við ætluðum að vinna alla þessa leiki og ná í níu stig en útkoman er tvö. Við létum boltann rúlla í dag og stjórnuðum leiknum en heilt yfir var þetta vonbrigði," segir Ágúst.

„Við ætlum að halda áfram, það er nóg eftir af þessu móti. Við viljum vera við toppinn en eins og staðan er í dag erum við miðlungslið í deildinni. Við þurfum að átta okkur á því að frammistaðan að undanförnu gefur ekki meira. Næsta vikar er mikilvæg æfingalega séð og andlega séð. Við förum í erfiðan leik í Grindavík og þurfum að stilla saman strengi."

Mark var dæmt af Gróttu í fyrri hálfleik en erfitt var að sjá á hvað var dæmt. Er Ágúst búinn að fá útskýringu á því?

„Við vorum ekki góðir í dag en fleiri voru ekki góðir. Ég er ekki búinn að fá útskýringu á því, mér finnst dómgæslan í sumar hafa verið skrítin," segir Ágúst.

Horfðu á viðtalið í sjónvarpinu hér að ofan.

Tweet

Senda a Facebook Hafdu samband Senda frétt Prenta frétt Frétta leit