Cristiano Ronaldo komst á blað í gær er Portúgal vann Ísrael með fjórum mörkum gegn engu.
Um var að ræða vináttulandsleik en Ronaldo skoraði annað mark Portúgals sem spilar á EM sem hefst á morgun.
Ronaldo fékk tækifæri á að skora fyrr í leiknum er Portúgal fékk aukaspyrnu á ákjósanlegum stað fyrir utan teig.
Framherjinn steig upp að venju en spyrna hans var gríðarlega slök og fór langt framhjá markinu.
Ronaldo hefur skorað úr ófáum aukaspyrnum á ferlinum en ljóst er að þessi fer ekki í neinar sögubækur.
Ronaldo SENT this free kick 😳 pic.twitter.com/qw6FZDFuYn
— ESPN FC (@ESPNFC) June 9, 2021
Athugasemdir