Dýrastur í sögu Manchester City
Mahrez kveður Leicester.
Alsírbúinn Riyad Mahrez er loksins kominn til Manchester City. Þetta var staðfest núna rétt í þessu.
Mahrez kemur til City frá Leicester og talið er að kaupverðið sé um 60 milljónir punda, það gæti hækkað upp í 75 milljónir punda síðar meira. Hann er dýrasti leikmaður í sögu Englandsmeistaranna.
Mahrez kemur til City frá Leicester og talið er að kaupverðið sé um 60 milljónir punda, það gæti hækkað upp í 75 milljónir punda síðar meira. Hann er dýrasti leikmaður í sögu Englandsmeistaranna.
Mahrez gekkst undir læknisskoðun hjá City fyrr í dag en þessi kaup hafa átt sér mjög langan aðdraganda. Hann var sterklega orðaður við City í janúar en það gekk ekki upp þá.
Leikmenn ensku úrvalsdeildarinnar völdu Mahrez besta leikmann deildarinnar 2016 en hann var þá lykilmaður í sögulegu Englandsmeistaratímabili Leicester.
Þegar Man City mistókst að fá Mahrez í janúar fór leikmaðurinn í verkfall og missti af tveimur leikjum. Leicester vann hvorugan og stjóri liðsins viðurkenndi að atburðarásin hefði neikvæð áhrif á liðið. Nú er hinn 27 ára gamli Mahrez loksins kominn til City.
The best things come to those who wait… 🕘#welcomeriyad to Manchester City! 💙 #mancity pic.twitter.com/lLjJZrz4J0
— Manchester City (@ManCity) July 10, 2018
Athugasemdir
