Fedun, sem er reyndar afar yfirlýsingaglaður, var brjálaður yfir dómgæslunni í 2-2 jafnteflinu gegn Sochi. Í kjölfarið heyrðu rússnesku fjölmiðlarnir í honum og tilkynnti hann um leið að hann ætlaði sér að draga liðið úr keppni.

Stjórnarmenn Spartak funduðu með rússnesku deildinni undir lok síðasta tímabils til að ræða dómgæsluna og fengu þeir loforð um að dómgæslan yrði betri en svo gerðu 2-2 jafntefli við Sochi og er óhætt að segja að hallað hafi á dómgæsluna.

„Þið þurfið ekki að styðja mig. Ég mun tilkynna í dag að Spartak mun draga sig úr rússnesku deildinni. Þeir geta spilað án mín. Þú getur skrifað það því ég vil ekki taka þátt í þessum trúðaleik og eytt peningum í þetta á sama tíma. Þeir þurfa ekki Spartak og þá verður það þannig," sagði Fedun.

Þessi ummæli Fedun eru til þess að hreyfa við rússneska sambandinu en dómarar leiksins voru settir í lygapróf í dag og eru niðurstöður væntanlegar á næstu dögum. Hægt er að sjá myndband af vítaspyrnunni sem Sochi fékk í uppbótartíma síðari hálfleiks.

Sjáðu fyrri vítaspyrnudóminn

Sjáðu vítaspyrnudóminn undir lokin