10.09.26 - 10:30
Elvar Geir Magnússon
Er Afturelding virkilega sigurstranglegri?
Magnús Már Einarsson og Ólafur Ingi Skúlason, þjálfarar liðanna.
Mynd: Mjólkurbikarinn
Afturelding vann Lengjudeildina.
Mynd: Fótbolti.net - Helgi Þór Gunnarsson
Höskuldur Gunnlaugsson.
Mynd: Fótbolti.net - Hafliði Breiðfjörð
Magnús Már Einarsson og Ólafur Ingi Skúlason, þjálfarar liðanna.
Mynd: Mjólkurbikarinn
Afturelding og Breiðablik mætast í úrslitaleik Mjólkurbikarsins á Laugardalsvelli annað kvöld. Þó Afturelding sé deild neðar eru margir sem hafa tröllatrú á að liðið hampi bikarnum.
Í skoðanakönnun sem var á forsíðu spá 65% því að Afturelding hampi bikarnum en 35% því að Breiðablik vinni.
Breiðablik er án sigurs í sex leikjum í Bestu deildinni, vann síðast í júlí, og hefur hlotið mikla gagnrýni fyrir spilamennsku sína. Afturelding vann Lengjudeildina en eru Mosfellingar virkilega sigurstranglegri fyrir þennan leik?
Í skoðanakönnun sem var á forsíðu spá 65% því að Afturelding hampi bikarnum en 35% því að Breiðablik vinni.
Breiðablik er án sigurs í sex leikjum í Bestu deildinni, vann síðast í júlí, og hefur hlotið mikla gagnrýni fyrir spilamennsku sína. Afturelding vann Lengjudeildina en eru Mosfellingar virkilega sigurstranglegri fyrir þennan leik?
TENGT EFNI
Magnús Már: Segir sig sjálft á hverjum pressan er
Ekki ef rýnt er í veðbanka. Epicbet er með stuðulinn 3,05 á að Afturelding vinni í venjulegum leiktíma. 2,18 er á að Breiðablik vinni í venjulegum leiktíma en 3,78 á að farið verði í framlengingu.
Þá er stuðullinn 2,40 á að Afturelding muni hampa bikarnum en 1,60 á að Breiðablik standi uppi sem sigurvegari.
„Það er engin værukærð eða vanmat hjá okkur. Við erum mjög hungraðir í þennan bikar, peppaðir og spenntir fyrir föstudeginum. Afturelding er afburðarlið í Lengjudeildinni og er á Bestu-deildar kaliberi," sagði Höskuldur Gunnlaugsson, fyrirliði Breiðabliks, í viðtali í gær.
„Við komum með mikið sjálfstraust inn í leikinn og höfum mikla trú á því sem við erum að gera. Þetta verður hörkuleikur, Blikar eru með gott lið, góðan þjálfara og góða leikmenn," sagði Magnús Már Einarsson, þjálfari Aftureldingar.
Afturelding vann Lengjudeildina.
Mynd: Fótbolti.net - Helgi Þór Gunnarsson
Höskuldur Gunnlaugsson.
Mynd: Fótbolti.net - Hafliði Breiðfjörð
