Fotbolti.net
10.10.18 - 18:04
Hafliði Breiðfjörð

Ási Arnars tekur við Fjölni (Staðfest)

Ásmundur var þjálfari ársins í 2. deild kvenna í sumar með lið Augnabliks sem vann deildina.

Ásmundur var þjálfari ársins í 2. deild kvenna í sumar með lið Augnabliks sem vann deildina.

Canon

Mynd: Fótbolti.net - Hafliði Breiðfjörð

Ásmundur Arnarsson hefur verið ráðinn þjálfari Fjölnis en þetta var staðfest á fréttamannafundi í Egilshöll rétt í þessu. Hann gerir þriggja ára samning við Fjölni og þeir Gunnar Már Guðmundsson og Gunnar Sigurðsson verða honum til aðstoðar.
Þetta er í annað sinn sem Ásmundur tekur við þjálfun liðsins en hann tók fyrst við liðinu fyrir tímabilið 2005 og stýrði þeim til ársins 2011. Á þeim tíma kom hann liðinu tvisvar upp í efstu deild og tvisvar í bikarúrslit.

Ásmundur er 46 ára gamall og kemur til Fjölnis frá Breiðabliki sem hann starfaði hjá í sumar. Þar stýrði hann 2. og 3. flokki kvenna auk liðs Augnabliks sem vann 2. deild kvenna undir hans stjórn.

Að tímabilinu loknu var hann útnefndur þjálfari ársins í vali þjálfara og fyrirliða í 2. deild kvenna í árlegu hófi Fótbolta.net.

Ásmundur tekur við Fjölni af Ólafi Páli Snorrasyni sem stýrði liðinu á sínu fyrsta tímabili í sumar. Liðinu gekk illa og endaði að lokum í næst neðsta sæti Pepsi-deildarinnar of leikur því í Inkasso-deildinni að ári.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.