Sigurbergur Elísson er kominn aftur til Keflavíkur en þetta kemur fram í tilkynningu frá félaginu í dag.
Sigurbergur, sem er fæddur árið 1992, er uppalinn í Keflavík og hefur spilað 101 leik og skorað 17 mörk í deild- og bikar með liðinu.
Hann spilaði með Reyni Sandgerði í 3. deildinni í sumar þar sem hann lék 14 leiki og skoraði 1 mark. Hann neyddist til að hætta knattspyrnuiðkun á síðasta ári vegna þrálátra meiðsla en eftir að hann jafnaði sig þá ákvað hann að taka slaginn með Reyni.
Nú er ljóst að Sigurbergur mun spila með Keflvíkingum í Inkasso-deildinni næsta sumar. Mikill fengur fyrir liðið sem hefur einnig fengið Andra Fannar Freysson og Sigurberg Bjarnason frá Njarðvík.
Keflavík hafnaði í 5. sæti Inkasso-deildarinnar með 34 stig í sumar
Athugasemdir