„Snýst um að vefja leikmanninn ekki í bómull"

Hoeness, sem er 74 ára, talaði um að það gæti verið að Musiala næði aldrei aftur sömu hæðum vegna taugasjúkdóms og fékk mikla gagnrýni fyrir, en Lothar Matthäus hefur komið honum til varnar.

65 ára Matthaus starfar í dag sem fótboltasérfræðingur og er einn af opinberum sendiherrum FC Bayern München.

„Hann er aðeins að pota í Jamal Musiala, þetta snýst um að vefja leikmanninn ekki í bómull. Það er mikilvægt fyrir fótboltamenn að takast á við gagnrýni og áskoranir," segir Matthäus.

„Þetta er ástæðan fyrir ummælunum frá Uli, hann er að skora á Musiala. Það þýðir ekkert að láta eins og allt sé í himnalagi og bara vona að hann nái sér aftur á strik. Ef ég væri Musiala þá myndi ég taka þessu sem áskorun og leggja ennþá meira á mig til að sanna að Uli hefur rangt fyrir sér."