Fotbolti.net
11.01.17 - 18:30
Elvar Geir Magnússon

Voro Gonzalez ráðinn þjálfari Valencia (Staðfest)

Voro Gonzalez.

Voro Gonzalez.

Canon

Mynd: Getty Images

Valencia hefur staðfest að Voro Gonzalez muni stýra liðinu út tímabilið að minnsta kosti. Þessi fyrrum varnarmaður Valencia var fyrst ráðinn þjálfari til bráðabirgða í síðasta mánuði eftir að Cesare Prandelli sagði upp störfum.
Ör þjálfaraskipti hafa orðið hjá Valencia undanfarin ár en Prandelli var ráðinn í staðinn fyrir Pako Ayestara en entist aðeins í þrjá mánuði.

Valencia er í miklu ströggli í La Liga og er án sigurs í átta leikjum í röð. Liðið fékk á sig jöfnunarmark í blálokin gegn Osasuna á mánudagskvöld. Valencia er aðeins einu stigi fyrir ofan fallsæti.

„Félagið vill gefa það út að það ber fullt traust til leikmannahópsins og þjálfarateymisins og trúir því að liðið komi sér út úr þessum vandræðum,\" segir í yfirlýsingu Valencia.

Voro Gonzalez er 53 ára en hann hefur alls fjórum sinnum tekið við þjálfun Valencia til bráðabirgða þegar þjálfarabreytingar hafa orðið, fyrst 2008.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.