Sandra María Jessen er gengin til liðs við þýska liðið Bayer Leverkusen.
Sandra spilaði með Bayer Leverkusen árið 2016 en hún var þá lánuð frá Þór/KA. Sandra er því að fara á kunnulegar slóðir.
Sandra hefur spilað allan sinn meistaraflokks feril hér á landi með Þór/KA. Hún á 140 leiki fyrir liðið og hefur hún skorað 85 mörk í þeim leikjum.
Bayer Leverkusen er í tíunda sæti af tólf liðum í þýsku 1. deildinni. Hlé er nú í deildinni en keppnin hefst aftur um miðjan febrúar.
„Sandra er með sterkan vinstri fót og hún fer frábær í loftinu. Heilt yfir frábær leikmaður. Við erum mjög ánægð með það að hafa fengið Söndru til liðs við okkur," segir Verena Hagedorn þjálfari liðsins.
Welcome back 👋🏻 Sandra #Jessen!
— Bayer 04 Frauen (@bayer04frauen) January 11, 2019
📝➡️ https://t.co/enBPzqy9ly#StärkeBayer
Athugasemdir