Fotbolti.net
11.06.17 - 11:30
Stefnir Stefánsson

Gnabry til Bayern (Staðfest)

Serge Gnabry

Serge Gnabry

Canon

Mynd: Getty Images

Bayern Munchen hafa gengið frá kaupum á Serge Gnabry leikmanni Wolfsburg en Gnabry var fyrir ári síðan á mála hjá Arsenal. En kaupverðið er óuppgefið.

Gnabry átti mjög gott tímabil með Werder Bremen í þýsku deildinni í ár en þá varð hann einnig markahæsti leikmaður á Olympíuleikunum síðasta sumar.

Gnabry sem er aðeins 21 árs gamall skoraði 11 mörk fyrir Bremen í deildinni á síðasta tímabili.

„Það er mikill heiður að vera orðinn partur af Bayern. Það eru spennandi tímar framundan og ég hlakka mikið til. sagði Gnabry í samtali við heimasíðu félagsins.

Stjórnarformaður Bayern Karl-Heinz Rummenigge bætti þá við að þeir væru himinlifandi með að hafa tryggt sér þjónustu kappans.

Gnabry náði ekki að festa sig í sessi í Arsenal á þessum fjórum árum sem hann var á mála hjá liðinu, þá var hann sendur á lán til West Bromwich Albion en þar gekk honum skelfilega en hann spilaði aðeins einn leik.

Þá lág leið hans aftur til heimalandsins og gekk hann í raðir Bremen og sló heldur betur í gegn þar.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.