Þróttur fór í Garðabæinn í dag og mætti Stjörnunni. Þær sóttu 1-0 sigur í hörkuleik og jafnframt næst síðasta á tímabilinu. Aðeins ein umferð er eftir í Bestu Deild Kvenna.
„Góður sigur, hörkuleikur, sveiflaðist aðeins en bara ánægður með stigin þrjú og það sem stelpurnar lögðu á sig".
Eftir tap gegn FH í síðustu umferð þurfti Þróttur að vonast eftir að þær myndu misstíga sig til að eiga séns á Evrópusætinu. Sú var raunin ekki og draumar Þrótts því fjaraðir út.
„Ég hef engan áhuga að tala um þann leik, við vitum alveg hvernig þetta er búið að vera og hvernig staðan er. Aðal málin fyrir Þróttara var að taka þrjú stigin í dag. Hvað gerist í öðrum leikjum, ég var bara ekki einu sinni búin að kíkja á það". Þær (FH) eiga það þá skilið, við förum í næsta leik til að ná í þrjú stig".
Ólafur gerði eina breytingu í dag á byrjunarliðinu frá síðasta leik sem var 4-0 tap fyrir FH. Kayla kom í liði fyrir Jelenu og skoraði eina mark leiksins.
„Kayla er búin að vera öflug undan farið, búin að fara vaxandi eftir því sem líður á tímabilið og vel gert hjá henni".
Framundan er síðasta umferð tímabilsins og Þróttur fær Val til sín í þeirri umferð. Einnig verður þetta síðasti leikur Ólafs í þjálfarsæti Þróttar, hann skrifaði nýlega undir að verður aðstoðarþjálfari kvenna landsliðsins.
„Alltaf spenntur fyrir leikjum, enda þetta vel og fá góða frammistöðu. Kveðja góða stuðningsmenn. Þrjú stig í boði og við ætlum okkur þau".
Viðtalið í heild sinni má sjá í spilaranum hér að ofan
