Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
banner
   mán 11. nóvember 2019 17:42
Elvar Geir Magnússon
Mátti ekki spyrja Kolbein út í handtökuna í Svíþjóð
Icelandair
Kolbeinn Sigþórsson á æfingu íslenska landsliðsins í Tyrklandi í dag.
Kolbeinn Sigþórsson á æfingu íslenska landsliðsins í Tyrklandi í dag.
Mynd: Fótbolti.net - Hafliði Breiðfjörð
Sóknarmaðurinn Kolbeinn Sigþórsson var einn þriggja leikmanna sem voru til viðtals á æfingasvæði íslenska landsliðsins í Antalya í dag.

Fyrir viðtalið fengu fjölmiðlar þó þær upplýsingar frá starfsmönnum KSÍ að ekki mætti spyrja út í þann fréttaflutning að Kolbeinn hefði verið handtekinn í Svíþjóð á dögunum eftir læti á skemmtistað.

Samkvæmt heimildum Fótbolta.net þá skoðaði AIK, félag Kolbeins, atvikið gaumgæfilega og taldi þjálfarinn að ekki ætti að refsa íslenska landsliðsmanninum. Hann er ekki talinn sökudólgur í þeim látum sem áttu sér stað.

Kolbeinn var í byrjunarliði AIK nokkrum dögum eftir þessi læti á skemmtistaðnum og skoraði í leiknum.

Málið er greinilega viðkvæmt. Enginn frá AIK hefur tjáð sig um það og þá vildu landsliðsþjálfararnir Erik Hamren og Freyr Alexandersson ekkert segja um það á fréttamannafundi í síðustu viku.

Viðtal við Kolbein birtist hér á Fótbolta.net í kvöld, án þess að spurt sé út í atvikið umtalaða.
Athugasemdir
banner
banner
banner
banner