Fotbolti.net
11.12.18 - 20:00
Guðmundur Aðalsteinn Ásgeirsson

Man City kaupir bandarískan markvörð fyrir metfé (Staðfest)

Zach Steffen.

Zach Steffen.

Canon

Mynd: Getty Images

Manchester City hefur fest kaup á markverðinum Zack Steffen frá Columbus Crew í MLS-deildinni. Hann kemur til félagsins næsta sumar.
Talið er að hann kosti 7 milljónir punda en það er metfé fyrir markvörð úr MLS-deildinni. Columbus Crew hefur lýst félagaskiptunum sem „sögulegum".

Hinn 23 ára gamli Steffen gerir fjögurra ára samning við Englandsmeistaranna.

Steffen er landsliðsmarkvörður hjá Bandaríkjunum en hann á sex landsleiki að baki.

Steffen var kosinn markvörður ársins í MLS-deildinni árið 2018.

Það má ætla að Steffen sé fenginn til að veita Ederson samkeppni hjá Manchester City.


Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.