Fotbolti.net
12.01.20 - 06:00
Brynjar Ingi Erluson

Fram fær leikmann frá Vængjum Júpiters (Staðfest)

Tumi Guðjónsson og Jón Sveinsson

Tumi Guðjónsson og Jón Sveinsson

Canon

Mynd: Heimasíða Fram

Knattspyrnudeild Fram tilkynnti í gær nýjan leikmann en félagið hefur fengið Tuma Guðjónsson frá Vængjum Júpiters.
Tumi, sem er fæddur árið 1999, er uppalinn í Fjölni en hann getur spilað bæði sem miðvörður og bakvörður.

Hann hefur spilað með Vængjum Júpiters frá árinu 2017 og tókst að festa sig í sessi í byrjunarliðinu árið 2018.

Hann lék þá 17 leiki og skoraði 1 mark í 3. deildinni síðasta sumar og vakti þá greinilega athygli margra þjálfara með frammistöðu sinni.

Fram staðfesti í dag að Tumi væri kominn til félagsins en Framarar hafa verið duglegir að styrkja hópinn undanfarið.

Albert Hafsteinsson og Þórir Guðjónsson sömdu við félagið fyrir áramót.

Fram hafnaði í 7. sæti Inkasso-deildarinnar á síðustu leiktíð en ljóst er að liðið ætlar sér meira í sumar.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.