Ívar Orri dæmir leikinn áhugaverða í Garðabæ í kvöld

2. umferð Bestu deildar karla fer af stað í kvöld með mjög áhugaverðum leik Stjörnunnar og KR í Garðabænum. Stjarnan tapaði fyrir Víkingi í fyrstu umferð en KR vann sigur á Fylki í svakalegum leik.

Ívar Orri Kristjánsson mun dæma leikinn í kvöld en hann var mikið í umræðunni eftir fyrstu umferðina þar sem hann dæmdi ekki vítaspyrnu sem FH vildi fá.

Heimir Guðjónsson þjálfari FH lét óánægju sína í ljós með dómgæsluna, ekki bara vítaatvikið heldur áherslur dómaranna og spjaldaregnið sem hefur verið mikið í umræðunni.