Byrjunarlið ÍBV og FH: Valor ekki í hóp - Óbreytt hjá FH

ÍBV og FH mætast á Hásteinsvelli í Vestmannaeyjum klukkan 13:00 en Tryggvi Guðmundsson textalýsir leiknum.

Gengi liðanna í bikarnum um páskahelgina var ólíkt. ÍBV tapaði fyrir Þrótti í Eyjum en FH fór norður á Akureyri og vann Þór í Boganum.

Aleksandar Linta þjálfari ÍBV gerir fjórar breytingar. Marcel Zapytowski kemur í markið og þá koma Viggó Valgeirsson, Róbert Elís Hlynsson og Milan Jezdemirovic inn í byrjunarliðið. Vicente Valor er ekki í leikmannahópnum.

Adolf Daði Birgisson, sem kom frá Stjörnunni í vetur, skoraði tvö mörk fyrir FH gegn Þór og er í byrjunarliðinu í dag. Jóhannes Karl Guðjónsson þjálfari FH er með óbreytt byrjunarlið.