KR vann dramatískan sigur á Keflavík á Meistaravöllum fyrr í dag. Keflavík var með 2-1 forystu þegar fimm mínútur voru eftir af venjulegum leiktíma en KR-ingar sneru taflinu við og uppskáru 3-2 sigur.
Óskar Hrafn Þorvaldsson, þjálfari KR, ræddi við Fótbolta.net eftir leik.
Óskar Hrafn Þorvaldsson, þjálfari KR, ræddi við Fótbolta.net eftir leik.
Lestu um leikinn: KR 3 - 2 Keflavík
„Ég er ekki endilega viss um að við höfum gert nóg til að eiga skilið að vinna þennan leik en ég er heldur ekkert viss um það að þetta hafi verið ósanngjörn niðurstaða. Eins gaman og það er að vinna leiki og koma til baka úr stöðu sem leit ekkert voða vel út.
Við áttum í vandræðum með að opna þá stóran hluta leiksins. En þetta opnaðist aðeins þegar við vorum komnir undir og við náðum aftur smá takti. Hefðum í raun getað skorað fleiri mörk undir lokin. Það er sterkt að koma til baka, það er ekki auðvelt og við þurfum að kunna meta það líka,“ sagði Óskar og hélt áfram.
„Þetta var frammistaða sem við vitum að var ekki nægilega góð af okkar hálfu. Ég held að við höfum lent í því í fyrra að svona frammistaða hefði skilað okkur 4-3 tapi.
Mér líður eins og með því að klára þennan leik eins og við kláruðum hann þá höfum við tekið stórt þroskastig. Maður tekur það með sér. Maður verður að læra þiggja og meta sigrana, því þeir eru sjaldnast þannig að þú spilir frábærlega og pakkir andstæðingnum saman,“ sagði Óskar að lokum.
Viðtalið má sjá í heild sinni í spilaranum hér að ofan.
