Fotbolti.net
12.05.17 - 15:30
Magnús Már Einarsson

Maggi Lú og Viktor Unnar í Kórdrengina (Staðfest)

Magg Lú hefur tekið fram skóna á ný.

Magg Lú hefur tekið fram skóna á ný.

Canon

Mynd: Fótbolti.net - Hafliði Breiðfjörð

Kórdrengirnir, nýtt lið í 4. deildinni, hefur fengið tvo leikmenn með mikla reynslu til liðs við sig. Um er að ræða þá Magnús Má Lúðvíksson og Viktor Unnar Illugason.
Hinn 35 ára gamli Magnús Már lagði skóna á hilluna eftir að hafa leikið með Fram árið 2015 en hann hefur nú rifiði fram skóna á nýja leik.

Maggi lék meðal annars með KR, Val, ÍBV og Þrótti R. á ferli sínum en hann hefur skorað 41 mark í 248 deildar og bikarleikjum á Íslandi.

Viktor Unnar yfirgaf herbúðir Þróttar í vetur eftir að hafa leikið með liðinu í Pepsi-deildinni í fyrra.

Hinn 27 ára gamli Viktor hefur skorað 20 mörk í 135 deildar og bikarleikjum en auk Þróttar hefur hann leikið með Breiðabliki, Val, Selfossi, HK og Njarðvík. Þá var Viktor í unglingaliði Reading á Englandi á sínum tíma.

Kórdrengirnir mæta Snæfell/UDN í fyrsta leik í 4. deildinni í Stykkishólmi þann 23. maí.
Viktor Unnar Illugason.

Viktor Unnar Illugason.

Canon

Mynd: Fótbolti.net - Hafliði Breiðfjörð

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.