Alfreð Elías Jóhansson þjálfari Grindavíkur var mjög sáttur eftir 3-0 sigur gegn Þrótti Vogum í kvöld.
Lestu um leikinn: Grindavík 3 - 0 Þróttur V.
„Heyrðu mér líður bara ótrúlega vel bara mjög sáttur að halda hreinu og vinna leikinn."
Grindavík átti erfitt með að skapa marktækifæri í fyrri hálfleik en skoruðu svo til að koma liðinu í 1-0 á 44. mínútu. Það hlýtur þá að hafa verið gott að fá mark rétt fyrir hálfleikslok?
„Já bara á crucial tíma og við vissum alveg að þeir myndu vilja fá þetta í einhvern djöflagang og svoleiðis. Bara vel gert að við skildum halda coolinu og spila okkar bolta og það borgaði sig."
Josip Zeba hefur þurft að sitja á bekknum báða fyrstu 2 leiki tímabilsins og það hafa verið sögusagnir um að það ríki einhver ósætti hjá honum. Er mögulega eitthvað til í því?
„Nei alls ekki, hann er bara þriðji hafsent hjá mér eins og staðan er í dag og er að stunda sínar æfingar að kappi og sínar morgunæfingar og það er bara barátta um hvert sæti."
Viðtalið má sjá í heild sinni í spilaranum hér fyrir ofan en þar talar Alfreð meira um frammistöðu síns liðs.