banner
   sun 12. júlí 2020 09:00
Brynjar Ingi Erluson
Nuno að framlengja við Wolves
Nuno Espirito Santo hefur gert frábæra hluti með Wolves
Nuno Espirito Santo hefur gert frábæra hluti með Wolves
Mynd: Getty Images
Portúgalski knattspyrnustjórinn Nuno Espirito Santo er við það að framlengja samning sinn við Wolves. Þetta kemur fram í ensku miðlunum í dag.

Espirito Santo hefur gert frábæra hluti síðan hann samdi við liðið árið 2017.

Hann vann ensku B-deildina á fyrsta tímabili og þá hafnaði liðið í 7. sæti í ensku úrvalsdeildinni tímabilið á eftir og komst í undanúrslit enska bikarsins.

Wolves er í 8. sæti deildarinnar eins og staðan er núna og í baráttu um Evrópudeildarsæti. Þá er liðið komið í 16-liða úrslit Evrópudeildarinnar og á góðan möguleika er liðið fær Olympiakos í heimsókn í seinni leiknum.

Samkvæmt Mirror er Espirito Santo við það að framlengja samning sinn við félagið en hann mun gera þriggja ára samning.
Athugasemdir
banner
banner
banner
banner