Liverpool ku hafa áhuga á að fá japanska miðjumanninn Takumi Minamino í janúarglugganum. Þessi leikmaður Red Bull Salzburg er fjölhæfur og getur spilað í flestum sóknarstöðunum.
Liverpool var hrifið af frammistöðu hans í leikjum sínum gegn Salzburg í Meistaradeildinni.
Liverpool var hrifið af frammistöðu hans í leikjum sínum gegn Salzburg í Meistaradeildinni.
Liverpool er meðvitað um að Japaninn er með riftunarákvæði upp á 7,75 milljónir punda.
Minamino er 24 ára og skoraði á Anfield fyrr á tímabilinu auk þess sem hann var talinn besti leikmaður austurríska liðsins í miðri viku þegar Liverpool tryggði sér sæti í útsláttarkeppni Meistaradeildarinnar.
Ofan á fótboltagæði hans þá er hann gríðarlega vinsæll í austurlöndum fjær, á svæði þar sem Liverpool vill auka markaðsmöguleika sína.
Athugasemdir