Fotbolti.net
13.01.17 - 15:00
Magnús Már Einarsson

Oumar Niasse og Evandro til Hull (Staðfest)

Mættir í fallbaráttuna.

Mættir í fallbaráttuna.

Canon

Mynd: Hull

Marco Silva, nýráðinn stjóri Hull City, hefur náð í liðsstyrk fyrir fallbaráttuna sem er framundan í ensku úrvalsdeildinni.

Silva hefur keypt miðjumanninn Evandro frá Porto og fengið framherjann Oumar Niasse á láni frá Everton.
Silva var þjálfari Estoril í Portúgal þegar hinn þrítugi Evandro spilaði með liðinu á sínum tíma.

Oumar kom til Everton frá Lokomotiv Moskvu á 13,5 milljónir punda fyrir einu ári síðan.

Oumar hefur verið í frystikistunni hjá Everton hann hefur varla komið við sögu hjá liðinu á einu ári. Í október greindi hinn 26 ára gamli Oumar frá því að hann væri ekki einu sinni lengur með fataskáp á æfingasvæði Everton líkt og aðrir leikmenn liðsins.

Hull fékk ekki bara góðar fréttir í dag því að í ljós hefur komið að Markus Henriksen, miðjumaður liðsins, verður frá keppni í allt að þrjá mánuði eftir að hafa meiðst á öxl gegn Manchester United í vikunni.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.