Fotbolti.net
13.01.19 - 17:30
Guðmundur Aðalsteinn Ásgeirsson

Flautað af hjá Man Utd því súrefnið kláraðist

Flautað af hjá Man Utd því súrefnið kláraðist
Canon

Mynd: Getty Images

Kvennaboltinn
Leik Manchester United gegn Charlton var flautaður af eftir að Charlotte Kerr, leikmaður Charlton, meiddist illa.
Kerr lenti í samstuði þegar Charlie Devlin kom United yfir eftir 11 mínútna leik.

Eftir að leikurinn hafði verið stopp í um klukkustund ákvað dómarinn að flauta hann af.

Iain Sealey var að fjalla um leikinn en hann skrifar að Kerr hafi orðið fyrir rifbeinsmeiðslum og átt erfitt með að anda. Hún fékk súrefni hjá læknateymi Manchester United, en þegar það kláraðist og það var ekkert til hjá Charlton. Það er í reglum að hafa súrefni til staðar á bekknum.

Kerr yfirgaf völlinn í sjúkrabíl, en það var ekki sjúkrabíll á vellinum á meðan leiknum stóð.

Þetta var leikur í Championship-deildinni á Englandi og var þetta toppslagur. United er á toppnum með tveimur stigum meira en Charlton. Engar upplýsingar hafa borist af því hvenær leikurinn verður spilaður aftur.



Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.