Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 13. janúar 2020 15:00
Magnús Már Einarsson
Ekki öruggt að Kane komi meira við sögu á tímabilinu - EM í hættu?
Mynd: Getty Images
Jose Mourinho, stjóri Tottenham, segir ekki öruggt að Harry Kane spili meira með liðinu á tímabilinu.

Kane fór í aðgerð í síðustu viku vegna meiðsla aftan í læri og Tottenham greindi frá því að hann snúi ekki aftur til æfinga fyrr en í apríl.

Ef allt fer á versta veg þá kemur Kane mögulega ekki meira við sögu á tímabilinu.

Óvíst er með þátttöku hans með enska landsliðinu á EM 2020.

„Ég hef engar fréttir af Harry og ef þið spyrjið mig í hvert skipti sem þið komið hingað þá verður svarið það sama," sagði Mourinho á fréttamannafundi.

„Við búumst við því að hann verði frá keppni þar til um miðjan apríl, lok apríl, maí eða þangað til á næsta tímabili. Við vitum það ekki."
Athugasemdir
banner
banner
banner
banner