Watkins orðaður við United - Bayern sýnir Díaz áhuga - Arsenal hefur rætt við Eze
   mán 13. janúar 2020 13:30
Magnús Már Einarsson
Magðalena í skosku úrvalsdeildina (Staðfest)
Kvenaboltinn
Magðalena (til hægri).
Magðalena (til hægri).
Mynd: Þór TV
Magðalena Ólafsdóttir hefur gengið til liðs við Forfar í skosku úrvalsdeildinni.

Samningur Magðalenu við liðið er gerður tímabundið til reynslu í einn mánuð og ætti hún að ná þremur leikjum með liðinu á þeim tíma. Þetta kemur fram á vef Þórs.

Magðalena er 19 ára miðjumaður en hún spilaði tvo leiki með Þór/KA í Pepsi Max-deildinni síðastliðið sumar. Magðalena lék einnig níu leiki í 2. deildinni með Hömrunum síðastliðið sumar.

Forfar er í 7. sæti af átta liðum í skosku úrvalsdeildinni en liðið er með fjögur stig eftir níu umferðir.

Magðalena mætir til Skotlands þann 1. febrúar og gæti spilað sinn fyrsta leik með liðinu 9. febrúar.
Athugasemdir