Ólympíuleikvangurinn í Róm.
Ítölsk yfirvöld hafa staðfest við UEFA að þau séu tilbúin að taka á móti áhorfendum á Ólympíuleikvanginum í Róm í sumar, í að minnsta kosti 25% af sætum vallarins.
UEFA fer fram á það að þær tólf borgir sem eru gestgjafar á EM alls staðar ábyrgist að hleypa inn áhorfendum. Annars eiga borgirnar á hættu að missa gestgjafarétt sinn.
UEFA fer fram á það að þær tólf borgir sem eru gestgjafar á EM alls staðar ábyrgist að hleypa inn áhorfendum. Annars eiga borgirnar á hættu að missa gestgjafarétt sinn.
Á Ólympíuleikvanginum í Róm munu fara fram þrír leikir í riðlakeppni EM: Tyrkland - Ítalía 11. júní, Ítalía - Sviss 16. júní og Ítalía - Wales 20. júní.
Þá á setningarhátíð mótsins að vera á vellinum og einnig leikur í 8-liða úrslitum.
Dublin á Írlandi og Bilbao á Spáni hafa ekki viljað staðfesta að áhorfendum verði hleypt þar inn. Þeir leikir sem áætlað er að fari fram þar gætu verið færðir annað en það skýrist á fundi UEFA í næstu viku.
Athugasemdir
