„Þetta var ekki það sem við ætluðum okkur, það er ljóst. Við steinlágum eins og tölurnar gefa til kynna, algjör óþarfi. Við erum í tveimur dauðafærum áður en þeir komast í 1-0, við hefðum átt að nýta það."
Sagði Sigurbjörn Hreiðarsson eftir tap Grindavíkur gegn Þór í Boganum á Akureyri í dag.
Sagði Sigurbjörn Hreiðarsson eftir tap Grindavíkur gegn Þór í Boganum á Akureyri í dag.
„Í fyrri hálfleiknum voru þeir bara grimmari og gengu á lagið og kláruðu okkur þá, svo einfalt er það. Við vorum soft alveg frá byrjun, við vorum fínir í seinni hálfleik, menn reyndu en þeir kláruðu leikinn í fyrri hálfleik. Við vorum ekki nógu góðir í dag."
Gindavík vann góðan sigur á ÍBV í fyrstu umferð. Það hlítur að hafa verið mikið högg að tapa hér í dag?
„Hver einasti tapleikur er högg, við ætlum að vinna alla þessa leiki sem við förum í. Þetta var fúlt. Við vorum ekki nógu grimmir. ég man ekki eftir Þórs liði sem er alltaf á fullu að berjast. Við vorum alveg búnir að fara yfir þetta allt en stundum er fótbolti bara svona, stundum kemur fyrir að þú tapar fótboltaleik.
Josip Zeba fékk rautt spjald í leiknum. Var það réttur dómur?
„Hann (dómarinn) dæmdi nú rangstöðu. Ég sá þetta ekkert það getur vel verið, ég þarf að skoða þetta aftur og leikinn og skoða þetta aðeins betur."
Viðtalið í heild sinni má sjá í spilaranum hér að ofan.
Athugasemdir