Ekitike áþjáður í að fara til Liverpool og hefur farið fram á sölu - Wissa vill frekar fara til Tottenham en Newcastle
Venni: Ég ætla nú ekkert að saka mína menn um að vera lélegir
„Ef það eru leikmenn sem vilja koma í Leikni að þá er allt í lagi að hringja í okkur"
Halli Hróðmars svekktur: Ef það gýs í Snæfellsjökli þá er Grindavík lokað
Ásgeir Frank: Við vonandi f***** lærum af þessu
Amin grét eftir leik: Klikkuð tilfinning og ég gat ekki endað þetta betur
Arnar Grétars: Tekur alltaf einhvern tíma að stimpla eitthvað inn
„Hversu sætt er það að Amin Cosic skori úrslitamarkið í síðasta leiknum sínum og komi okkur á toppinn"
Haraldur Freyr: Skiptingar í heimsklassa
Bjarni Jó: Það voru æðri völd í landinu sem tóku þá ákvörðun
Siggi Höskulds: Kannski hentaði okkur betur að tempóið færi úr leiknum
Hemmi Hreiðars: Þeir lágu í vellinum og töfðu
Aron Elí svekktur með jafnteflið: Afhverju að hætta?
Maggi: Ekki gott, skulum vona að það sé eitthvað minna
Rúnar Kristins: Hann fór með sjúkrabíl í hálfleik
Pablo: Vissum að þetta met var í boði og við vildum slá það
Nikolaj Hansen: Allir vita að ég elska Víking
Danni Hafsteins: Þeir gáfust bara upp eftir fyrri hálfleikinn
Sölvi Geir: Gaman að slá met og skrifa sig í sögubækurnar
Brynjar ræðir hlutverk sitt hjá Víkingi - „Þetta hefur verið góð reynsla"
"Hart barist og mikið hlaupið"
   mán 13. júní 2022 21:51
Elvar Geir Magnússon
Rúnar Alex: Einhverjir eru á móti okkur en aðrir eru með okkur
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Markvörðurinn Rúnar Alex Rúnarsson spjallaði við Fótbolta.net eftir 2-2 jafnteflið gegn Ísrael.

Lestu um leikinn: Ísland 2 -  2 Ísrael

„Þetta eru erfiðustu úrslit sem ég hef upplifað mjög lengi. Mér fannst við gera miklu meira en nóg til að fá meira út úr þessum leik. Þegar það er bara eins marks munur þarf svo lítið til," segir Rúnar Alex.

Eins og að fá rýting í hjartað
„Fyrra markið hjá þeim er óheppni. Auðvitað getum við gert meira til að stoppa þá en að skora á þeirra hátt er óheppni. Skora þeir svo mark eða ekki? Það er ógeðslega leiðinlegt að missa af tveimur stigum."

Fannst honum boltinn vera inni í 2-2 jöfnunarmarki Ísrael?

„Ég er í hreyfingunni að elta boltann og veit að ég enda inni í markinu. En ég næ að setja fótinn út. Ég held að ég nái að setja fæturna á línuna. Ég hélt að þetta væri bara góð varsla og áfram með smjörið. Svo dæma þeir þetta mark og það er ekki hægt að breyta því núna."

Það var nokkur bið meðan atvikið var skoðað í VAR.

„Maður var orðinn stressaður og svo var það eins og að fá rýting í hjartað þegar dómarinn benti á miðjupunktinn. Við höfðum svo nægan tíma til að ná inn þriðja markinu en það vantaði eitthvað upp á."

Ekki gaman að hrósa liðinu fyrir jafnteflisleik
Það hefur verið talsvert um neikvæða umræðu um landsliðið.

„Við þurfum að fínpússa hlutina til að ná inn sigrum. Það er ekki gaman að standa hérna og hrósa liðinu fyrir jafnteflisleik. Við vildum ná í þessa þrjá punkta fyrir okkur, fyrir staffið og fyrir íslensku þjóðina. Það eru einhverjir á móti okkur en einhverjir með okkur. Ég held að langflestir vilji mæta á völlinn og styðja okkur og fara vonandi einhvern tímann aftur með okkur á stórmót."

Meira um gagnrýnina:

„Það hefur verið rosalega gott að vera í þessum hóp því við getum stutt við bakið á hvorum öðrum. Við erum orðnir samheldnari ef eitthvað er. Þetta hefur auðvitað áhrif á okkur en hefur skapað einingu innan hópsins. Við erum ekkert í fýlu, komið bara á hótelið og sjáið hvað er gaman hjá okkur. Úrslitin koma, ég veit það. Við þurfum bara að fá okkar tíma til að búa til lið og búa til þennan kjarna. Eins og gullkynslóðin fékk á sínum tíma. Kannski fengu þeir færri leiki en við en það er bara ein leið og það er fram á við."

Rúnar Alex hefur fengið mikla ábyrgð og er ánægður með hvernig honum gekk i þessum glugga, innan og utan vallar.

„Ég held að ég hafi nýst leikmönnum og staffinu líka sem leiðtogi utan vallar. Það er eitthvað sem ég er rosalega glaður með, fá meiri ábyrgð. Það hafa margir stórir karakterar hætt. Við höfum þurft að stíga upp og mér finnst við hafa gert það. Við erum bara að bæta okkur."

Sjáðu viðtalið í heild í sjónvarpinu hér að ofan.
Athugasemdir
banner
banner