Fótbolti.net

Hrannar Snær: Mjög sáttur með mína frammistöðu það sem af er

Dóri Árna: Slakasti hálfleikurinn í sumar

Maggi Már: Bara einn staður sem þeir eiga að vera á og það er hérna í 270

Siggi Höskulds: Þetta á að skila sigri alveg sama á hvaða velli

Venni: Þetta er algjört lúxusvandamál sem ég glími við

Tómas Bjarki: Þetta er alveg kúnst

Halli Hróðmars: Leikplanið fór út um gluggann snemma í dag

Gunnar Heiðar: Þegar lestin er farin af stað er helvíti erfitt að stoppa hana

Jakob Gunnar: Einhver skrítnasta skottækni sem ég hef séð

Með þrjú stórmót og yfir 100 leiki á bakinu - „Ég fer með það í gröfina"

„Viðurkenning fyrir hana og íslenskan fótbolta"

Vann með Frank Lampard áður en hann tók til starfa hjá KSÍ

Gunnhildur elskar nýtt hlutverk - „Baldvin Leó fékk að fljóta með"

Steini: Ákveðinn lamandi ótti eiginlega

Þurfum að vinna heimakonur - „Þetta eru allt heimsklassa lið"

Fyrstu mínútur Kötlu á stórmóti - „Fokking hell maður"

Karólína Lea: Ég hef aldrei séð hana jafn hvíta í framan

Sveindís: Spilum ekki fótbolta í fyrri hálfleik

Ingibjörg: Auðvelt að segja að þetta eigi að vera venjulegt

Cecilía segir hafa verið stress í liðinu - „Ætlum að vinna næstu tvo“

fim 13. júní 2024 22:18

Stefán Marteinn Ólafsson

Gunnar Heiðar: Sá eiginleika hjá honum sem ég vissi að myndi henta vel

Gunnar Heiðar Þorvaldsson þjálfari Njarðvíkur

Mynd: Fótbolti.net - Hafliði Breiðfjörð

Njarðvíkingar tóku á móti ÍR þegar 7.umferð Lengjudeildarinnar hóf göngu sína í kvöld.

Njarðvíkingar vonuðust til þess að komast aftur á sigurbraut eftir tap í síðustu umferð og fór svo að þeir lögðu ÍR örugglega af velli.

Lestu um leikinn: Njarðvík 3 - 0 ÍR

„Alltaf gott að vinna. Við ætluðum bara að sýna fólkinu okkar hérna í dag á Rafholtsvellinum að síðasti leikur á móti Fjölni endurspeglar ekki alveg það sem við erum búnir að vera gera." Sagði Gunnar Heiðar Þorvaldsson þjálfari Njarðvíkinga.

„Við fórum hérna út alveg dýrvitlausir fannst mér og mér fannst við vera betri aðilinn í leiknum heilt yfir. Sérstaklega í fyrri hálfleik þar sem við vorum með vindinn aðeins í bakinu og við héldum þessum þrýsting á þeim fannst mér. Heilt fyrir þá var ég ótrúlega ánægður með 'attitute'-ið í leiknum og halda fókus allan leikinn og þetta þriðja mark kom loksins í lokinn."

„Tvö - núll er hættuleg forysta. Um leið og hitt liðið skorar mark þá fá þeir blóð á tennurnar oftast svo ég var mjög ánægður með það að við héldum hreinu og náðum inn þessu þriðja marki og klárum þennan leik."

Eftir skellinn gegn Fjölni í síðustu umferð var mikilvægt að svara með sterkum sigri á heimavelli.

„Við töluðum um það að við ætluðu að sýna fólki að þetta væri bara 'one off'. Þetta var bara einn leikur sem að við ætluðum ekkert að dvelja rosalega lengi við. Við ætluðum bara að halda áfram og mér fannst við gera það og spiluðum boltann okkar hérna. Við erum góðir á vellinum okkar, það er bara þannig og mér fannst þetta ekki vera nein spurning í þessum leik."

Dominik Radic snéri aftur í lið Njarðvíkinga í dag og skoraði tvö mörk en hann var ekki með gegn Fjölni.

„Þegar ég var að 'scout-a' hann fyrir tímabilið þá sá ég eiginleika hjá honum sem að ég vissi að myndi henta vel leikstílnum sem við viljum spila. Hann hefur bara gert eiginlega nákvæmlega það sem ég bjóst við af honum og ég sagði við hann að hann þyrfti bara að gera þetta, þetta og þetta og ef þú gerir það þá skorar þú fullt af mörkum. Mér finnst hann búin að vera gera það og mér finnst hann vera búin að vera komast betur og betur inn í þetta og leikstílinn okkar og það er bara virkilega ánægjulegt að sjá þessa nýju leikmenn koma inn hjá okkur og þeir eru allir að standa sig vel."