Lillý Rut Hlynsdóttir hefur komið afar vel inn í vörn Vals á þessu tímabili en hún tók stærra hlutverk eftir að landsliðsmiðvörðurinn Arna Sif Ásgrímsdóttir meiddist illa á undirbúningstímabilinu.
Lillý var á síðasta tímabili lánuð til FH en sneri aftur til Hlíðarendafélagsins í vetur.
Hún hefur leikið vel í sumar og telja liðsfélagar hennar að hún eigi meira hrós skilið. Guðrún Elísabet Björgvinsdóttir og Jasmín Erla Ingadóttir, sóknarmenn Vals, voru gestir í hlaðvarpi hér á Fótbolta.net á dögunum og voru þar spurðar hvaða leikmaður Vals ætti meira hrós skilið.
„Hún er búin að vera ógeðslega góð," sagði Jasmín Erla um miðvörðinn.
„Lillý er virkilega góður leikmaður sem hefur verið mjög 'solid' í okkar vörn."
Hægt er að hlusta á allt hlaðvarpið í heild sinni hér fyrir neðan.
Athugasemdir