Ágúst Gylfason, þjálfari Leiknis.
„Súrt var það. Við spiluðum á móti liði sem er með augnablikið með sér og er að gera vel," sagði Ágúst Gylfason, þjálfari Leiknis, eftir 1-0 tap gegn ÍR í Breiðholtsslagnum í kvöld.
„Þeir halda markinu sínu hreinu og vinna 1-0. Þetta eru þeir sigrar sem lið vilja. Við vorum klárlega betra liðið í seinni hálfleik og kannski með ólíkindum að við höfum ekki náð að koma boltanum í netið."
„Þeir halda markinu sínu hreinu og vinna 1-0. Þetta eru þeir sigrar sem lið vilja. Við vorum klárlega betra liðið í seinni hálfleik og kannski með ólíkindum að við höfum ekki náð að koma boltanum í netið."
Lestu um leikinn: ÍR 1 - 0 Leiknir R.
Þetta var þriðji leikur Gústa með Leikni en liðið hafði unnið fyrstu tvo leikina undir hans stjórn.
„Núna kom smá tap sem hristir aðeins í okkur, en við erum ekki slegnir út af laginu. Það er bara áfram gakk og næsti leikur."
Þetta var fyrsti Breiðholtsslagur Gústa sem þjálfara Leiknis. Hvernig var að taka þátt í þessu?
„Ég hef tekið þátt í mörgum leikjum og það var skemmtilegt að koma hingað á erfiðan völl. Það var mikill stuðningur hjá báðum liðum. Súrast af öllu er að tapa, en svona er fótboltinn. Við þurfum að hugsa áfram og við ætlum að koma sterkari í næsta leik."
„Þetta er skemmtilegur hópur og ég vænti mikils af honum. Það er ástríða í þessu og gott verkefni sem ég tók að mér. Ég hlakka til að halda áfram," sagði Gústi en allt viðtalið má sjá í spilaranum hér fyrir ofan.
Athugasemdir
