Segir veikar forsendur fyrir því að hleypa Partey ekki inn í Kanada - „Hefur ekki verið fundinn sekur“

Kanada hafnaði beiðni Partey um að koma inn í landið vegna ákærumáls á hendur honum í Lundúnum.

Hann hefur verið kærður fyrir sjö nauðganir og eitt kynferðisbrot. Á þeim grundvelli neituðu kanadísk yfirvöld honum inngöngu í landið, en stjórnvöld í Gana neita að sætta sig við þessa ákvörðun.

Adams, sem hefur sinnt embætti sínu sem íþrótta- og tómstundamálaráðherra Gana, segir þunn rök fyrir því að neita Partey inngöngu í landið.

„Thomas var einn af leikmönnunum sem var beðinn um að fara í sendiráðið í London vegna lífkennaskráningar og í gærmorgun fengum við þær fréttir að ákveðið hefði verið að meina honum inngöngu til Kanada á mjög veikum forsendum.

„Ég segi veikum forsendum vegna þess að hann hefur aðeins verið ákærður, en ekki dæmdur sekur,“ sagði Adams.

„Í landinu, sem haldið er fram að hann hafi framið verknaðinn, sem hann er fyrir dómi og hefur neitað, býr hann enn sem frjáls maður. Hann gengur þar frjáls eins og aðrir frjálsir borgarar.“

„Hann stundar sína atvinnu og það er eðlilegt að maður sé hissa að Kanada, sem er svo langt í burtu, beiti reglum gagnvart einstaklingi sem hefur aðeins verið ákærður,“ sagði Adams.