Fotbolti.net
13.08.19 - 09:36
Magnús Már Einarsson

Perisic til Bayern (Staðfest) - Coutinho líka á leiðinni?

Perisic er mættur í þýska boltann.

Perisic er mættur í þýska boltann.

Canon

Mynd: Getty Images

Bayern Munchen hefur fengið króatíska kantmanninn Ivan Perisic á láni frá Inter út tímabilið.

Hinn þrítugi Perisic var sterklega orðaður við Manchester United í fyrrasumar en hann er nú mættur til Bayern. Perisic þekkir til í Þýskalandi því hann spilaði með Wolfsburg áður en hann fór til Inter árið 2015.

Perisic á að berjast við Serge Gnabry og Kingsley Coman um stöðu í byrjunarliði Bayern en hann gæti spilað í fyrstu umferð Bundesligunnar á föstudag.
Samkvæmt fréttum frá Katalóníu er Bayern einnig í viðræðum við Barcelona um að fá Philippe Coutiho á láni.

Coutinho hefur verið orðaður við brottför frá Barcelona í sumar og þær sögur minnka ekki núna þegar Neymar er líklega aftur á leið til félagsins.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.