Spánn: Barcelona byrjar á jafntefli - Villarreal skoraði þrjú

Börsungar stjórnuðu boltanum gegn Rayo en áttu í gríðarlegum erfiðleikum með að skapa góð færi og tókst ekki að skora.

Robert Lewandowski og Raphinha voru í byrjunarliðinu ásamt Andreas Christensen á meðan Franck Kessie, Frenkie de Jong og Pierre-Emerick Aubameyang komu inn af bekknum.

Börsungar voru manni færri síðustu sjö mínútur leiksins eftir að Sergio Busquets nældi sér sitt seinna gula spjald fyrir að brjóta á Radamel Falcao. Gestirnir frá Madríd komu boltanum í netið í uppbótartíma en ekki dæmt mark vegna rangstöðu.

Leiknum lauk með markalausu jafntefli og þurfa nýir leikmenn Börsunga líklega meiri tíma til að ná betur saman í sóknarlínunni.

Barcelona 0 - 0 Rayo Vallecano
Rautt spjald: Sergio Busquets, Barcelona ('93)

Lærisveinar Unai Emery hjá Villarreal unnu þá útileik gegn Real Valladolid þar sem Alex Baena kom inn af bekknum og skoraði tvennu á lokakaflanum til að innsigla góðan sigur.

Celta Vigo og Espanyol gerðu að lokum 2-2 jafntefli þar sem Iago Aspas skoraði fyrir heimamenn og gerðu Joselu jöfnunarmark gestanna úr vítaspyrnu á 98. mínútu.

Real Valladolid 0 - 3 Villarreal
0-1 Nicolas Jackson ('49)
0-2 Alex Baena ('81)
0-3 Alex Baena ('90)

Celta Vigo 2 - 2 Espanyol
1-0 Iago Aspas ('45)
2-0 Goncalo Paciencia ('63)
2-1 Exposito ('72)
2-2 Joselu ('98, víti)