Ajax vill Ramsdale - Nketiah áfram í úrvalsdeildinni?

Ramsdale er 26 ára og kom frá Sheffield United til Arsenal sumarið 2021 og var aðalmarkvörður fyrstu tvö tímabilin sín í London. Arsenal kláraði kaupin á Raya frá Brentford í sumar og allar líkur á því að horft sé á Raya sem aðalmarkvörð fyrir komandi tímabil.

Það ætti að vera ágætis samskipti á milli Ajax og Arsenal því Arsenal krækti í Tommy Setford, efnilegan markvörðu, frá Ajax í sumar. Ef Ramsdale fer til Ajax verður hann liðsfélagi íslenska landsliðsmannsins Kristians Nökkva Hlynssonar.

Sky Sports fjallar þá um að Bournemouth sé eitt af nokkrum félögum í ensku úrvalsdeildinni sem skoði þann möguleika á að fá Eddie Nketiah frá Arsenal. Marseille hefur reynt að fá Nketiah í sumar en náði ekki samkomulagi við Arsenal um kaupverð. Marseille krækti í staðinn í Elye Wahi.

Nketiah vill spila, það er hans aðalmarkmið fyrir komandi tímabil og Bournemouth er að skoða framherja eftir söluna á Dominic Solanke til Tottenham. Bournemouth hefur reynt að fá Evanilson frá Porto en portúgalska félagið hafnaði tilboði í leikmanninn í gær.