Reinier, ungur leikmaður Borussia Dortmund, viðurkennir að hann sé að upplifa drauminn með því að spila fyrir félagið.
Reinier er aðeins 18 ára gamall en hann gerði tveggja ára lánssamning við félagið frá Real Madrid í ágúst.
Brasilíumaðurinn var duglegur að fylgjast með leikjum Dortmund þegar hann var yngri og varð ástfanginn af spilamennsku liðsins.
„Þegar ég var yngri þá horfði ég á marga leiki Dortmund í Brasilíu. Ég var hrifinn af þessum hraða fótbolta og hvernig þeir færðu boltann," sagði Reinier.
„Bæði með Marco Reus eða Pierre-Emerick Aubameyang og Robert Lewandowski, þeir voru svo kraftmiklir."
„Þess vegna er ég svo ánægður að vera á vellinum með Reus. Það er virkilega sérstakt fyrir mig."
Athugasemdir
