Malen, Maguire, Rashford, Greenwood, Yoro, Eriksen og fleiri góðir í slúðri dagsins
   mið 13. nóvember 2019 08:30
Magnús Már Einarsson
Skóflustunga hjá Fram - 1600 manna stúka
Mynd: Fótbolti.net - Hafliði Breiðfjörð
Í gær var tekin skóflustúka að nýrri íþróttamiðstöð Fram sem verður staðsett í Úlfarsárdal.

Íþróttamiðstöðin samanstendur af fjölnota íþróttahúsi, áhorfendastúku fyrir aðalleikvang í knattspyrnu, minni íþróttasölum, félags- og þjónustuaðstöðu fyrir starfsfólk, þjálfara og félagsmenn, búningsrýmum ásamt samkomusal og fundaraðstöðu.

Nýr knattspyrnuvöllur verður gervigrasvöllur, með stúku sem rýmir 1.600 áhorfendur. Góðir grasæfingavellir verða einnig á svæðinu.

Byggingin er sunnan við Úlfarsbraut og er austasti hluti byggingarkeðju mannvirkja við Úlfarsbraut 122-126 í Úlfarsárdal.

Áætluð verklok eru árið 2022 en þangað til mun meistaraflokkur Fram spila heimaleiki sína í Safamýri líkt og í sumar.

Smelltu hér til að sjá nánari upplýsingar um svæðið
Athugasemdir
banner
banner
banner
banner