Balerdi er öflugur miðvörður sem hefur verið að gera góða hluti með Boca Juniors og U20 landsliði Argentínu.

Hann verður tvítugur í lok janúar og er búinn að skrifa undir samning sem gildir til 2024.

Dortmund greiðir 14 milljónir punda fyrir varnarmanninn en hann átti að koma til félagsins næsta sumar.

Michael Zorc, yfirmaður íþróttamála hjá Dortmund, sagði að félagaskiptin hafi verið færð í janúar því hann gæti spilað hlutverk á lokakafla tímabilsins. Dortmund er með sex stiga forystu á Bayern á toppi þýsku deildarinnar.