Boren er 22 ára gömul og er að ljúka háskólanámi þar sem hún spilaði með sterku liði Texas Tech í bandaríska háskólaboltanum.

„Þetta er spennandi leikmaður sem stóð sig mjög vel í háskólaboltanum og ég hlakka til að vinna með henni,“ segir Alfreð Elías Jóhannsson, þjálfari Selfoss.

„Það verður áskorun fyrir hana að stíga inn í vörnina hjá okkur en varnarleikurinn var okkar aðalsmerki í fyrra og gekk mjög vel. Við væntum þess að hún muni smella vel inn í hópinn hjá okkur."

Cassie á að fylla skarð Allyson Paige Haran sem var frábær í vörn Selfyssinga í fyrra.

Allyson var valin besti leikmaður Selfyssinga en hún hefur samið við NC Courage í bandarísku atvinnumannadeildinni.