Samkomubann - Topp 20 kvikmyndir og heimildarþættir um fótbolta

20. ESCAPE TO VICTORY (1981) - Ein furðulegasta hugmynd að kvikmynd sem hægt er að finna. Sylvester Stallone er hetjan gegn þýsku landsliði og leikið er í París en borgin er hernumin af nasistum. Michael Caine, Pele, Bobby Moore og Ossie Ardiles leika líka í myndinni!

19. THE DAMNED UNITED (2009) - Leikin mynd sem hlaut lof gagnrýnenda. Fjallar um dagana 44 sem Brian Clough stýrði Leeds.

18. MEANWHILE BACK IN SUNDERLAND - Heimildarmynd um áhrifin sem óvæntur sigur Sunderland í FA-bikarnum 1973 hafði. (Hægt að finna á Youtube)

17. SHAOLIN SOCCER (2001) - Gerast kvikmyndir svalari? Bráðskemmtileg kínversk mynd um fótboltamenn sem búa yfir ofurkröftum! Ímyndunaraflinu gefið lausan tauminn.

16. BEND IT LIKE BECKHAM (2002) - Mynd á léttu nótunum um Jess Bhamra sem sigrast á mótlæti og lætur fótboltadrauma sína rætast.

15. HILLSBOROUGH - BBC heimildarmynd þar sem rætt er við þá sem lifðu af Hillsborough slysið og við fjölskyldur þeirra sem týndu lífi. Fjallað er um hvernig hægt hefði verið að koma í veg fyrir slysið. (Hægt að finna á Youtube)

14. THERE'S ONLY ONE JIMMY GRIMBLE (2000) - Afskaplega bresk mynd sem fjallar um ungan dreng og hans fótboltadrauma. Þeir rætast þgar hann fær skó með töframætti.

13. NORTH KOREA - THE GAME OF THEIR LIVES - Norður-Kórea kom öllum á óvart á HM 1966 þar sem liðið lagði Ítalíu og komst í 3-0 gegn Portúgal. Mögnuð mynd um fótboltalandslið þessarar sérstöku þjóðar. (Hægt að finna á Youtube)

12. BUSBY, STEIN AND SHANKLY: THE FOOTBALL MEN (1997) - Heimildarmynd í þremur hlutum um þrjá magnaða skoska knattspyrnustjóra sem allir fæddust á sama svæðinu. (Hægt að finna á Youtube)

11. ORIENT: CLUB FOR A FIVER (1995) - Hrá heimildarmynd þar sem fylgst er með John Sitton, stjóra Orient. Hann lætur sína menn aldeilis heyra það í hálfleik þegar þeir eru 3-0 undir gegn Brentford! (Hægt að finna á Youtube)

10. FEVER PITCH (1997) - Lífið verður flókið þegar þú elskar eina konu en dýrkar ellefu karlmenn. Colin Firth leikur stuðningsmann Arsenal í þessari skemmtilegu mynd sem gerð var eftir bók Nick Hornby.

9. RONALDO - Cristiano gefur innsýn í líf sitt sem fótboltamaður og fjölskyldumaður. Ronaldo treystir fáum en heldur þeim sem hann elskar þétt að sér.

8. MIKE BASSETT: ENGLAND MANAGER (2001) - Það er erfitt að elska ekki þessa sprenghlægilegu gamanmynd um Mike Bassett sem óvænt er ráðinn landsliðsþjálfari Englands og lendir í ýmsum uppákomum.

7. SUNDERLAND 'TIL I DIE - Skylduáhorf fótboltamannsins! Myndavélin er fluga á vegg í ótrúlegu tímabili hjá Sunderland þar sem allt fer í vaskinn. Netflix.

6. LES BLEUS - Mynd sem er á Netflix og hefur ekki fengið það umtal sem hún á skilið. Fjallað er um hæðir og lægðir franska landsliðsins á 20 ára tímabili.

5. THE CLASS OF '92 - Ótrúlega vel heppnuð mynd um velgengni ary og Phil Neville, Ryan Giggs, Paul Scholes, Nicky Butt og David Beckham.

4. NEXT GOAL WINS - Árið 2001 tapaði Kyrrahafsþjóðin smáa Bandarísku- Samóaeyjar fótboltaleik með 31 marki gegn engu á móti Ástralíu. Í þessari mynd er fylgst með liðinu í undirbúningi fyrir undankeppni HM í Brasilíu 2014. Óhætt að mæla með þessari mynd.

3. I BELIEVE IN MIRACLES - Mynd sem fjallar um svakalega upprisu Nottingham Forest undir stjórn Brian Clough. Þvílíkt afrek.

2. AN IMPOSSIBLE JOB - Graham Taylor mistókst að koma Englandi á HM 1994. Kvikmyndatökulið fékk gríðarlega góðan aðgang að öllu því sem gekk á. (Hægt að finna á Youtube)

1. TWO ESCOBARS - Kólumbíumaðurinn Andres Escobar var myrtur eftir að hann skoraði sjálfsmark á HM 1994. Hvernig tengist það nafna hans, eiturlyfjabaróninum Pablo Escobar? Hrikalega góð heimildarmynd.