Fotbolti.net
14.05.17 - 07:00
Guðmundur Aðalsteinn Ásgeirsson

Brynhildur Brá í Þór/KA (Staðfest)

Brynhildur Brá ásamt þjálfurum Þór/KA.

Brynhildur Brá ásamt þjálfurum Þór/KA.

Canon

Mynd: Thorsport.is

Kvennaboltinn
Þór/KA samdi í gær við Brynhildi Brá Gunnlaugsdóttir sem er 16 ára gömul og leikur sem sóknarmaður. Þetta segir á thorsport.is.

Brynhildur kemur frá Hetti á Egilstöðum, en þrátt fyrir ungan aldur hefur hún spilað 12 leiki með meistaraflokki og skorað tvö mörk.
„Brynhildur Brá er gífurlega efnilegur leikmaður. Hún er sóknarmaður og getur spilað allar stöður framarlega á vellinum og mögulega víðar,\" segir í fréttinni hjá thorsport.is

„Ég er mjög spenntur að sjá hvernig hún kemur inn í þetta hjá okkur - hún eykur breiddina og er klárlega flottur framtíðarleikmaður. Brynhildur á framtíðina fyrir sér, hún er hæfileikarík og með mikla möguleika á að verða góður leikmaður,\" sagði Halldór Jón Sigurðsson, Donni, þjálfari Þórs/KA.

Þór/KA hefur farið gífurlega vel af stað í Pepsi-deild kvenna. Þær eru á toppi deildarinnar eftir þrjár umferðir með fullt hús stiga.

Heimild: thorsport.is

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.