Wentzel er leikjahæstur í sögu Aftureldingar með 249 leiki að baki. Hann gekk til liðs við félagið 2007 og hefur verið fyrirliði þess undanfarin ár.

Wentzel er aðeins þrítugur og hefur ekki verið með Aftureldingu í vetur vegna anna og vinnu í skóla.

„Við þökkum Wentzel fyrir allar góðu stundirnar í Aftureldingar treyjunni og vonumst til að sjá hann aftur í henni í framtíðinni!" segir í yfirlýsingu á Facebook síðu Knattspyrnudeildar Aftureldingar.

Wentzel hefur skorað 65 mörk fyrir Aftureldingu og kom það síðasta þegar liðið tryggði sér sigur í 2. deildinni með 3-1 sigri á Hetti síðasta haust.