„Ég er mjög svekktur, mér fannst við vera nær því að skora í fyrri hálfleik þegar við skutum í stöng og slá. Á fyrstu mínutu síðari hálfleiks skora þeir mark sem er kolólöglegt þegar boltinn fer í hendina á þeirra leikmanni og það er súrt að dómarinn sjái það ekki því þetta mark átti aldrei að standa. Við þetta mark breyttist leikurinn en við eigum að gera betur í síðari hálfleik og sýna meiri karakter." Segir svekktur Magnús Már Einarsson þjálfari Aftureldingar svekktur eftir 2-0 tap sinna manna í Lengjudeildinni.
Lestu um leikinn: Afturelding 0 - 2 Vestri
„Þeir komast yfir snemma í seinni hálfleik og geta þá þétt raðirnar ennþá meira en við vorum ekki nægilega beittir og við náðum ekki sama gírnum og við náðum í fyrr hálfleik en við bætum það og ég get lofað þér því að Aftureldingarliðið verður kraftmeira í báðum hálfleikjum í næsta leik"
„Allir leikir í þessari deild eru 50/50 og allir geta unnið alla og við munum mæta með kassann úti gegn Selfossi á föstudaginn og ætlum okkur ekkert annað en sigur þar í þeim leik."
Aðspurður um markmið sinna manna í sumar segir Magnús „Við viljum gera betur í sumar en í fyrra og við höfum trúa á því auk þess höfum við markmið sem við viljum ekki gefa út hér en spilamennskan í fyrstu leikjunum hefur verið ágæt að mínu mati"
